BEYNƏLXALQ HƏRBİ TƏDBİRLƏRƏ DƏVƏT
Müdafiə Nazirliyinin mətbuat xidmətindən AZƏRTAC-a verilən məlumatda bildirilir ki, NATO-nun “Sülh Naminə Tərəfdaşlıq” proqramı çərçivəsində yanvarın 15-dən 16-dək Almaniyanın Oberammerqau şəhərində “2004-cü il üçün SNT Planlaşdırma Simpoziumu”, yanvarın 14-dən 16-dək Belçikanın paytaxtı Brüseldə “Avropada Adi Silahlı Qüvvələr Müqaviləsi” çərçivəsində “VERİTİ” işçi görüşü, yanvarın 14-dən 23-dək Latviyanın Riqa şəhərində “Kooperativ Naqqet-04” təliminin birinci fazası və yanvarın 14-dən fevralın 18-dək Haqqa şəhərində (Niderland Krallığı) “Niderlandın müdafiə sistemi ilə tanışlıq” kursu keçiriləcəkdir.
NATO ilə Azərbaycan Respublikası arasında imzalanmış fərdi proqrama uyğun olaraq, tədbirlərdə ölkəmizin Silahlı Qüvvələrinin nümayəndələri də iştirak edəcəklər.
Bölmənin digər xəbərləri
