BMT-nin Baş katibi İraqda parlament seçkiləri ilə bağlı bəyanat verib
Bakı, 12 noyabr, AZƏRTAC
BMT-nin Baş katibi Antonio Quterreş noyabrın 11-də İraq xalqını parlament seçkilərinin keçirilməsi münasibətilə təbrik edib və ölkənin Müstəqil Ali Seçki Komissiyasını onların effektiv təşkilini təmin etdiyinə görə tərifləyib.
AZƏRTAC təşkilatın məlumatına BMT-nin sözçüsü Stefan Dujarrik tərəfindən yayımlanan açıqlamada bildirib: “Baş katib seçkilərin sakit və nizamlı keçirilməsini alqışlayır və yekun nəticələrin elan edilməsi fonunda siyasi cəhətdən maraqlı tərəflərin sülh və seçki prosesinə hörmət ruhunu qoruyub saxlayacağına inanır”.
Antonio Quterreş İraq xalqının iradəsini əks etdirən, irqalıların sabitlik və inkişaf arzularına cavab verən dinc hökumətin formalaşmasının vacibliyini vurğulayıb.
BMT-nin Baş katibi təşkilatın İraqın demokratik nailiyyətləri möhkəmləndirmək, habelə dinc və firavan gələcək qurmaq proseslərinə davamlı dəstəyini bir daha təsdiqləyib. O, həmçinin iyirmi ildən çox müddətdən sonra seçki yardımı mandatı başa çatmaq üzrə olan Birləşmiş Millətlər Təşkilatının İraqa Yardım Missiyasının (UNAMI) işinə görə minnətdarlığını bildirib.
İraq Müstəqil Ali Seçki Komissiyasının məlumatına görə, təhlükəsizlik işçiləri və məcburi köçkünlər də daxil olmaqla 12 milyondan çox iraqlı bazar ertəsi keçirilən parlament səsverməsində səs verib ki, bu da 55%-dən çox iştirak deməkdir.
Baş nazir Məhəmməd Şia əl-Sudani seçkiləri daha böyük sabitlik və tərəqqiyə doğru irəliyə doğru əlamətdar bir addım kimi qiymətləndirib.
Bölmənin digər xəbərləri
