Böyük Britaniyada məktəblər yenidən fəaliyyətə başlayıb
London, 8 mart, AZƏRTAC
Bu gündən Böyük Britaniyada məktəblər yenidən fəaliyyətə başlayıb.
AZƏRTAC xəbər verir ki, krallıqda koronavirus məhdudiyyətlərinin martın 8-dən yumşaldılmasına başlanılıb.
İlkin mərhələdə ölkədəki bütün təhsil müəssisələrində təhsil sistemi bərpa olunub. Həmçinin bu gündən etibarən 2 fərqli məkanda yaşayan şəxslərin açıq havada görüşməsinə icazə verilib.
Qeyd edək ki, Baş nazir Boris Conson fevralın 22-də verdiyi açıqlamada ölkəsinin sərt karantin rejimindən çıxması üçün hazırlanan 4 mərhələli çıxış planını açıqlamışdı.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
