Böyük britaniyalı turist: Azərbaycan Formula 1 yarışları üçün ideal ölkədir
Bakı, 13 sentyabr, AZƏRTAC
"Bakıda bu yarışı izlədiyim üçün əla hisslər keçirirəm".
Bu sözləri AZƏRTAC-a açıqlamasında Böyük Britaniyadan olan turist Holli Bennet Bakıda 8-ci dəfə keçirilən Formula 1 Azərbaycan Qran-Prisi barədə təəssüratlarını bölüşərkən deyib.
O, dünyanın ən baxımlı avtomobil yarışı olan Formula 1-i canlı izləməyin möhtəşəm hadisə olduğunu bildirib: Azərbaycan Formula 1 yarışları üçün tam ideal ölkədir. Burada olmaq əladır. Müxtəlif Qran-prilərin canlı şahidi olmuşam. Bakı treki digərlərindən fərqlənir. Həm yarışı izləyirik, həm də dincəlirik. Ulduz pilotları yaxından görmək tam başqa duyğudur. Paytaxtınızın əla mənzərəsi var. Dostlarım və ailəmlə şəhəri gəzdik. Bu həftəsonu bizi maraqlı yarış gözləyir".
Qeyd edək ki, Formula 1 Azərbaycan Qran-Prisinə sentyabrın 15-də yekun vurulacaq.
Bölmənin digər xəbərləri
