Bu il Ağcabədidə 110 hektar sahədə yeni meşələr salınacaqdır
Ağcabədi, 23 iyul (AZƏRTAC). Ağcabədi rayonunda meşələrin mühafizəsi və bərpası daim diqqət mərkəzində saxlanılır.
Ağcabədi Rayon İcra Hakimiyyətindən AZƏRTAC-a bildirmişlər ki, rayonun meşə fondu 7 min 211 hektar ərazini əhatə edir. Bu il daha 110 hektar yeni meşə zolağının salınması nəzərdə tutulmuşdur.
Artıq ilin əvvəlindən 50 hektar sahədə yeni meşələr salınmış, 90 hektar sahədə bərpa işləri aparılmışdır. 0,22 hektar sahədə tinglik səpilmiş, 2,16 hektar sahədə 88 min şam, sərv, çinar, tuya cinslərindən ibarət böyütmə sahəsi, 1,5 hektar sahədə çilik kökləndirmə sahəsi yaradılmışdır. Meşə əkinlərinin salınmasına və köhnə meşələrin bərpasına 253,5 min əkin materialı sərf edilmişdir.
Bölmənin digər xəbərləri
