Bu il Beyləqanda 30 hektar sahədə yeni meşələr salınmışdır
Beyləqan, 4 iyul (AZƏRTAC). Beyləqan rayonunda meşələrin mühafizəsi və bərpası daim diqqət mərkəzində saxlanılır.
Beyləqan Rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, cari ildə 30 hektar sahədə yeni meşələr salınmış, 75 hektar meşə sahəsində bərpa işləri aparılmışdır. Kökləndirmək üçün 1 hektar sahədə 50 min qələm basdırılmış, 3 hektar sahədə sərv və enliyarpaq ağaclardan ibarət böyütmə sahəsi yaradılmışdır. Bundan başqa, 3,1 hektar sahədə tinglik salınmış, 243 kiloqram toxum tədarük edilmişdir.
Rayonda ilin sonunadək 100 hektar sahədə yeni meşələrin salınması nəzərdə tutulmuşdur.
Bölmənin digər xəbərləri
