BU İLİN ƏN YAXŞI PARALİMPİYAÇILARI MƏLUMDUR
AZƏRTAC xəbər verir ki, Milli Paralimpiya Komitəsi 2007-ci ilin 10 ən yaxşı paralimpiyaçısının adını açıqlamışdır.
Braziliyanın San-Paulu şəhərində cüdo üzrə dünya çempionatının qızıl medalını qazanaraq Pekin Yay Olimpiya Oyunlarına vəsiqə qazanmış Ramin İbrahimov (66 kq) və İlham Zəkiyev (100 kq) ilin ən yaxşı paralimpiyaçıları seçilmişlər.
Onlardan başqa, Tofiq Məmmədov (cüdo), Vüqar Mehdiyev (atletika), Elçin Muradov (atletika), Kərim Sərdarov (cüdo), Əkbər Muradov (güllə atıcılığı), Elşən İsmayılov (pauerliftinq), Ramin Əliyev (cüdo), Natiq Novruzzadə (cüdo) ən yaxşı on paralimpiyaçı arasındadırlar.
Cüdo üzrə paralimpiya yığmasının baş məşqçisi Əhməddin Rəcəbli isə ilin ən yaxşı məşqçisi seçilmişdir.
Bölmənin digər xəbərləri
