Ceyhun Sultanov: “Neftçi” “Qarabağ”la oyunda asan təslim olmayacaq
Bakı, 18 aprel, AZƏRTAC
“Neftçi” hazırda nə qədər zəif olsa belə, “Qarabağ”la oyunlar derbi ab-havasında keçir”.
Bu sözləri AZƏRTAC-a açıqlamasında veteran futbolçu Ceyhun Sultanov Misli Premyer Liqasının XXXI turunda keçiriləcək “Qarabağ”–“Neftçi” oyunu barədə danışarkən deyib.
O, “Qarabağ”ın qalib gəlmək şansının daha çox olduğunu bildirib: “Amma bu cür oyunlarda istənilən nəticə qeydə alına bilər. Hər iki klubun turnir cədvəlinin hansı pillələrində qərarlaşmasının fərqi yoxdur. Düşünmürəm ki, “Neftçi” zəif oynasın. Komanda asan təslim olmayacaq. Mənim üçün hansı kollektivin qələbə qazanacağı önəmli deyil. Əsas odur ki, dostluq şəklində bir oyun olsun və azarkeşlər matça baxıb zövq alsınlar. Hər iki komandaya uğurlar arzulayıram”.
Qeyd edək ki, aprelin 19-u saat 20:00-da keçiriləcək “Qarabağ”-“Neftçi” oyunu Tofiq Bəhramov adına Respublika Stadionunda təşkil olunacaq.
Bölmənin digər xəbərləri
