Çaylarda suyun səviyyəsi artmışdır
Bakı, 13 iyul (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən iyulun 13-də çaylarda suyun səviyyəsi ilə bağlı araşdırma aparılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 70-100, Kiçik Qafqazın çaylarında 90-120, Lənkəran-Astara bölgəsi çaylarında 130-260, Naxçıvan MR çaylarında isə 105-110 faizini təşkil etmişdir.
Müəyyən edilmişdir ki, suyun səviyyəsi Kür çayının Qıraqkəsəmən məntəqəsində 30 santimetr artmış, Qanıx çayının Əyriçay məntəqəsində isə 23 santimetr azalmışdır.
Eyni zamanda, Kür çayının aşağı axınındakı məntəqələrdə suyun səviyyəsində artım qeydə alınmışdır.
Hazırda Kürün Surra məntəqəsində suyun səviyyəsi 447, Şirvanda 326, Salyanda 258, Bankədə 234, Araz çayının Novruzlu məntəqəsində isə 160 santimetrdir.
Bölmənin digər xəbərləri
