Çayların sululuğu ilə bağlı aparılmış araşdırmanın nəticələri açıqlanıb
Bakı, 4 avqust (AZƏRTAC). Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 60-90, Kiçik Qafqazın çaylarında 30-90, Lənkəran-Astara bölgəsi çaylarında 40-80, Naxçıvan Muxtar Respublikası çaylarında isə 110 faizini təşkil edir.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib. Məlumata görə, avqustun 4-də Kür çayının Qıraqkəsəmən məntəqəsində suyun səviyyəsində 3 santimetr azalma müşahidə olunub. Qanıx çayının Əyriçay məntəqəsində və Kür çayının aşağı axınında isə suyun səviyyəsində dəyişiklik qeydə alınmayıb.
Suyun səviyyəsinin Kür çayının aşağı axınındakı məntəqələrdə - Surrada 309, Salyanda 60, Bankədə 191, Araz çayının Novruzlu məntəqəsində isə 19 santimetr olduğu müəyyən edilib.
Bölmənin digər xəbərləri
