ÇİNİN “DAPİN” ŞAXTASINDA ÖLƏNLƏRİN SAYI ARTMAQDADIR
AZƏRTAC-ın Sinxua agentliyindən aldığı xəbərə görə, Çinin mərkəzi Xenan əyalətindəki “Dapin” kömür şaxtasında qaz partlaması nəticəsində ölənlərin sayı 141 nəfərə çatmışdır, daha 7 nəfər itkin düşmüş hesab olunur. Həlak olmuş 129 şaxtaçının cəsədləri artıq yuxarı qaldırılmışdır.
“Dapin” şaxtasında partlayış oktyabrın 20-də axşam baş vermişdir. Həmin vaxt yerin altında 400-dən artıq şaxtaçı var idi. 298 adamı xilas etmək mümkün olmuş, 148 şaxtaçı isə yerin altında qalmışdır.
Axtarış-xilasetmə işləri davam etdirilir.
Bölmənin digər xəbərləri
