Bu il Culfa rayonunun taxılçıları hektarın məhsuldarlığını 37 sentnerə çatdıraraq 9535 ton məhsul istehsal etmişlər. Rayon İcra Hakimiyyətindən AZƏRTAC-ın müxbirinə demişlər ki, taxıl bolluğu dəyirman inşa etmək zərurətini yaratmışdır. Bu işi “Naxçıvantikinti” dövlət şirkəti öhdəsinə götürmüş, Əlincə cayı sahilindəki “Dərəlik” adlanan sahədə dəyirmanın inşasına başlamışdır. Az vaxtda obyektdə 100 milyon manatlıqdan çox tikinti-quraşdırma işi görmüşdür. Dəyirman ilin sonunadək istifadəyə veriləcəkdir.