“Dahi azərbaycanlı” filmi nümayiş etdirilmişdir
Bakı, 28 aprel (AZƏRTAC). Azərbaycan Milli Elmlər Akademiyasının (AMEA) A. Bakıxanov adına Tarix İnstitutu və Azərbaycan Respublikası Prezidentinin İşlər İdarəsinin Siyasi Sənədlər Arxivinin təşkilatçılığı ilə ulu öndər Heydər Əliyevin anadan olmasının 91-ci ildönümünə həsr edilmiş elmi konfrans keçirilmişdir.
Akademiyadan AZƏRTAC-a bildirmişlr ki, əvvəlcə Tarix İnstitutunun direktoru, Milli Məclisin deputatı, AMEA-nın müxbir üzvü Yaqub Mahmudovun ssenari müəllifi olduğu, ulu öndər Heydər Əliyevə həsr edilmiş “Dahi azərbaycanlı” filmi nümayiş etdirilmişdir.
Filmdə ümummilli lider Heydər Əliyevin həyatından, Azərbaycana rəhbərlik etdiyi dövrlərdə ölkəmizin inkişafı üçün gördüyü mühüm işlərdən, böyük xidmətlərindən bəhs olunmuşdur.
Tədbirdə Azərbaycan Respublikası Prezidentinin İşlər İdarəsinin Siyasi Sənədlər Arxivinin direktoru Mais Bağırov filmi yüksək qiymətləndirərək müəllifə təşəkkürünü bildirmiş, ekran əsərində Ulu Öndərin həyatı və Azərbaycan xalqı qarşısındakı xidmətlərinin geniş işıqlandırıldığını qeyd etmişdir.
Sonra tədbirdə çıxış edən Yaqub Mahmudov Ümummilli Liderlə bağlı xatirələrindən söhbət açmışdır.
Bölmənin digər xəbərləri
