DAİRƏ SEÇKİ KOMİSSİYALARI 895 NƏFƏRİN NAMİZƏDLİYİNİ TƏSDİQ ETMİŞDİR
Mərkəzi Seçki Komissiyasından AZƏRTAC-a bildirmişlər ki, bələdiyyə seçkilərinə start veriləndən iyulun 18-dək seçkilərdə iştirak etmək istəyən 2765 nəfərin namizədliyi dairə seçki komissiyalarında təsdiq edilmişdir. İmza vərəqi almış 2694 namizəddən 1320-si bu vərəqləri və tələb olunan digər sənədləri dairə seçki komissiyalarına (DSK) təqdim etmişdir. DSK-lar onlardan 895 nəfərinin namizədliyini qeydə almışdır. Namizədliyi qeydə alınanların 438 nəfəri bitərəf, qalanları isə siyasi partiyaların üzvləridir.
Komissiyadan onu da bildirmişlər ki, oktyabrın 6-da respublika üzrə 604 bələdiyyədə təkrar, əlavə, yeni və ilk dəfə seçki keçiriləcəkdir. Səsvermə 83 dairə üzrə 927 məntəqədə baş tutacaqdır. Səsvermədə iştirak edəcək 809643 seçici 1942 nəfəri bələdiyyə üzvlüyünə seçəcəkdir.
Bölmənin digər xəbərləri
