Daşınmaz əmlakın qeydiyyatı ilə bağlı Qəbələdə vətəndaşlarla görüş olub
Bakı, 29 iyul, AZƏRTAC
İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova Qəbələ şəhərində Qəbələ, Oğuz və İsmayıllı rayonlarından olan vətəndaşlarla görüşüb.
Dövlət Xidmətindən AZƏRTAC-a bildirilib ki, görüşə gələnlər daşınmaz əmlak üzrə mülkiyyət hüquqlarının qeydiyyatı, kadastrı, bələdiyyə torpaqlarının sərhədlərinin dəqiqləşdirilməsi, torpaqların təyinatının dəyişdirilməsi və digər məsələlər barədə müraciət ediblər. Görüş zamanı bəzi məsələlər həllini tapıb, araşdırma tələb edən müraciətlər baxılması üçün qeydiyyata alınıb, vətəndaşlara qanunvericiliyin tələbləri barədə məlumat və izahatlar verilib.
Qeyd edək ki, vətəndaş qəbulunun digər şəhər və rayonlarda da keçirilməsi nəzərdə tutulur. Bu barədə əvvəlcədən Xidmətin rəsmi saytı (emlak.gov.az) və KİV vasitəsilə məlumat veriləcək.
Bölmənin digər xəbərləri
