Dima Al-Khatib: WUF13-ün diqqəti mənzil məsələsinə yönəltməsi olduqca uğurlu addımdır
Bakı, 21 may, AZƏRTAC
Təxminən 3 milyard insan qeyri-qənaətbəxş mənzil şəraitində yaşayır, bir milyarddan çox insan isə gecəqondularda məskunlaşır.
AZƏRTAC xəbər verir ki, bunu Bakıda Ümumdünya Şəhərsalma Forumunun 13-cü Sessiyası (WUF13) çərçivəsində keçirilən Cənub-Cənub və Üçbucaqlı Əməkdaşlıq vasitəsilə Təhlükəsiz və Dayanıqlı Şəhərlər və İcmaların Qurulması üzrə Regionlararası Dialoqda “United Nations Office for South-South Cooperation” təşkilatının direktoru Dima Al-Khatib deyib.
O qeyd edib ki, 300 milyondan çox insanın ümumiyyətlə sığınacaq evi yoxdur. “Bu reallıqlar, həmçinin suya, sanitariyaya, səhiyyəyə, təhsilə və layiqli iş yerlərinə çıxışın məhdud olması deməkdir. Onlar qərarların qəbul edilməsi prosesindən kənarda qalırlar. Həmçinin qadınlar üçün genderəsaslı zorakılığa məruz qalma riski artır. WUF13-ün öz diqqətini mənzil məsələsinə yönəltməsi olduqca uğurlu addımdır”, - deyə Dima Al-Khatib vurğulayıb.
Bölmənin digər xəbərləri
