DİN-dən vətəndaşlara çağırış: Şəxsi bank məlumatlarını naməlum şəxslərə verməyin
Bakı, 8 aprel, AZƏRTAC
Xarici müdaxilələrlə vətəndaşların aldadılaraq bank kartlarından talamalar davam edir. Kiber məkanda sxemlər tez-tez dəyişir, lakin prinsiplər dəyişmir. Bank kartları ilə əlaqəli xarici zənglər, mesajlar cavab verilmədən, saxta linklərə daxil olmadan bloklanmalıdır. Əks halda bank kartında olan pul vəsaitinizi talayacaqlar.
Bu barədə AZƏRTAC-a Daxili işlər Nazirliyinin (DİN) mətbuat xidmətindən daxil olan məlumatda bildirilib.
Qeyd olunub ki, aprelin 7-də ayrı-ayrı vətəndaşların müxtəlif kiber üsulla – 17 min 451, 16 min , 6 min 697, 6 min 321, 6 min, 5 min, 3 min 700, 2 min, 1 968, 1 800, 960, 420, 380, 250, 50 manat pul vəsaitləri bank kartlarından oğurlanıb: “Bir daha vətəndaşlara şübhəli zənglərdən gələn cəlbedici qazanc, sığorta, bank hesablarının möhkəmləndirilməsi, mədaxil üzrə ödənişlərlə əlaqəli təkliflərə diqqətlə yanaşmağı tövsiyə edirik. Qəti formada şəxsi bank məlumatlarını naməlum şəxslərə verməyin”.
Bölmənin digər xəbərləri
