DİNARƏ GİMATOVA BƏDİİ GİMNASTİKA ÜZRƏ AZƏRBAYCAN ÇEMPİONATININ QALİBİ OLMUŞDUR
AZƏRTAC xəbər verir ki, Bakı Olimpiya İdman Kompleksində bədii gimnastika üzrə ölkə çempionatı davam edir. Aprelin 7-də çoxnövçülük üzrə qaliblər müəyyənləşmişdir. İp, halqa, lent, top və gürzlərlə hərəkətlərin ümumi cəminə əsasən, Dinarə Gimatova (70,05 bal) senyorlar arasında fəxri kürsünün ən yüksək pilləsinə qalxmışdır. Aliyə Qarayeva (67), Anna Qurbanova (66,975) isə müvafiq olaraq ikinci, üçüncü yerləri tutmuşlar.
Yeniyetmələr arasında isə ilk üçlüyü Nigar Əbdülsəlimova (82,1), Nərgiz Əliyeva (80,4), Kamilə Məmmədova (80, 325) tutmuşlar.
Aprelin 8-də idmançılar finalda ayrı-ayrı proqramlar üzrə mükafatlar uğrunda yarışacaqlar.
Bölmənin digər xəbərləri
