DÖVLƏT MÜƏSSİSƏLƏRİNƏ OLAN SOSİAL ÖDƏNİŞ BORCLARI TƏNZİMLƏNİR

27.01.2004 [12:46]
Çap et
A⁺ A^-

Azərbaycan Respublikası Prezidentinin “Özəlləşdirilən və idarəetməyə verilən dövlət müəssisələrinin sosial ödənişləri üzrə yaranmış borclarının tənzimlənməsi tədbirləri barədə” Fərmanına müvafiq olaraq, Dövlət Sosial Müdafiə Fondunun yerli orqanları tərəfindən həmin müəssisələrin sosial ödənişləri üzrə borclarının ödənilməsi prosesinə başlanılmışdır.

Fondun mətbuat xidmətindən AZƏRTAC-a bildirmişlər ki, borclar dövlət müəssisələri ilə birgə tərtib olunmuş protokola əsasən ödənilir. Bu məqsədlə, İqtisadi İnkişaf Nazirliyi Dövlət Sosial Müdafiə Fonduna özəlləşdirilən və idarəetməyə verilən dövlət müəssisələrinin siyahısını təqdim etmişdir. Bu istiqamətdə görülən tədbirlər nəticəsində cari ilin yanvarın 23-dək fondun yerli orqanları tərəfindən dövlət müəssisələrinin hesabına 2,9 milyard manatdan çox vəsait köçürülmüşdür. Həmin məbləğin təqribən 2,5 milyard manatı əmək zədəsi almış işçilərə, 481,4 milyon manatı isə digər ödənişlər üzrə verilmişdir.

DÖVLƏT MÜƏSSİSƏLƏRİNƏ OLAN SOSİAL ÖDƏNİŞ BORCLARI TƏNZİMLƏNİR

MÜƏLLİFLƏ ƏLAQƏ

Bölmənin digər xəbərləri