Dünən Bakıda və Abşeron yarımadasında yağan yağış normanı ötməyib
Bakı, 6 oktyabr, AZƏRTAC
Dünən Bakıda və Abşeron yarımadasında, eləcə də bölgələrdə yağan yağış normanı ötməyib. Yalnız Qəbələdə yağıntının miqdarı normadan bir qədər artıq olub.
Bu barədə AZƏRTAC-a Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova məlumat verib.
“Əvvəlcədən oktyabrın 5-də paytaxtda yağış yağacağını, bölgələrdə isə güclü və leysan xarakterli yağış olacağını xəbər vermişdik”,-deyə G.Məmmədova bildirib.
Onun sözlərinə görə, əvvəlki illərin müvafiq dövründə də belə yağıntılar müşahidə olunub.
Bölmənin digər xəbərləri
