DÜNYA FUTBOL ÇEMPİONATININ MUSİQİSİNİ BRİTANİYALI SƏSLƏNDİRƏCƏK

02.12.2005 [20:46]
Çap et
A⁺ A^-

Britaniyalı müğənni və bəstəkar Piter Qabriel dünya futbol çempionatının gələn ilin yayında Berlində keçiriləcək açılış mərasiminin musiqi direktoru olmağa razılıq vermişdir. AZƏRTAC Bi-Bi-Si-yə istinadla xəbər verir ki, çempionat üçün himni də digər tanınmış britaniyalı – Brayan İno yazacaqdır.

Qabriel Almaniya paytaxtındakı Olimpiya stadionu üçün ikisaatlıq şou yaratmalıdır. O, “Blək Ayd Piis” (“Qara gözlü noxud”) qrupunu və opera müğənnisi Cessi Normanı dəvət etmək fikrindədir. Tamaşanın büdcəsi təxminən 29 milyon dollardır. Möhtəşəm konsert 2006-cı il iyunun 7-də olacaq, ilk oyun isə iyunun 9-da keçiriləcəkdir.

Mərasimin bədii direktoru Andre Heller tanınmış avanqardçı xoreoqraf Filipp Dekufleni də dəvət edəcəkdir. Dekufle 1992-ci ildə Albertvilldə (Kanada) keçirilmiş Qış Olimpiya Oyunları zamanı təşkil edilən təntənəli konsertin rejissoru olmuşdur.

DÜNYA FUTBOL ÇEMPİONATININ MUSİQİSİNİ BRİTANİYALI SƏSLƏNDİRƏCƏK

MÜƏLLİFLƏ ƏLAQƏ

Bölmənin digər xəbərləri