Ekologiya İdarəsində “Conoco Phillips” şirkətinin nümayəndə heyəti ilə görüş keçirilmişdir
Bakı, 4 iyul (AZƏRTAC). ARDNŞ və “Conoco Phillips Exploration Azerbaijan” Ltd. şirkəti arasında Azərbaycan Respublikasının ərazilərində ikiölçülü (2D) seysmik işlərin yerinə yetirilməsi məqsədi ilə Ətraf Mühitə Təsirin Qiymətləndirilməsi (ƏMTQ) Sənədinin hazırlanması ilə əlaqədar Ekologiya İdarəsində görüş keçirilmişdir.
AZƏRTAC xəbər verir ki, görüşdə iş həcmləri, layihənin icra qrafiki, çöl işlərinin təhlükəsizlik texnikası planı, torpaq sahələrindən istifadə ilə əlaqədar tələblər, təhlükəsizlik məsələləri, risklər, ekoloji həssas ərazilər haqqında məlumatın əldə olunması və bir sıra digər məsələlər müzakirə edilmişdir.
Tədbirdə ƏMTQ sənədinin hazırlanması ilə əlaqədar görülmüş işlərin müzakirə olunması məqsədilə ARDNŞ-in Ekologiya İdarəsi və “Conoco Phillips” şirkətinin nümayəndələri arasında növbəti görüşün avqustda keçirilməsi qərara alınmışdır.
Bölmənin digər xəbərləri
