Ekologiya və təbii sərvətlər naziri Ağstafa şəhərində vətəndaşların qəbulunu keçirəcək
Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq ekologiya və təbii sərvətlər naziri Hüseynqulu Bağırov sentyabrın 12-də saat 10:00-da Ağstafa şəhərində vətəndaşları qəbul edəcək.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildiriblər ki, Yeni Azərbaycan Partiyası Ağstafa rayon təşkilatının inzibati binasında keçiriləcək qəbulda Ağstafa, Qazax və Tovuz rayonlarından olan vətəndaşlar iştirak edə bilərlər.
Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 nömrəli “Qaynar xətt”i, həmçinin 2 saylı Ərazi Ekologiya və Təbii Sərvətlər Şöbəsi ilə əlaqə saxlamaları (ünvan: Qazax şəhəri, H.Z. Tağıyev - 78, əlaqə telefonları: 055 807 27 71; 050 330 95 49; 055 373 84 20; 022 29 539 84 ) xahiş olunur.
Bölmənin digər xəbərləri
