EKSPERTLƏRİN RƏYİNCƏ 25 İLƏ GÜRCÜSTAN ƏHALİSİNİN SAYI 40 FAİZ AZALACAQDIR

24.05.2004 [17:04]
Çap et
A⁺ A^-

AZƏRTAC-ın xüsusi müxbiri xəbər verir ki, Gürcüstan əhalisinin 2002-ci il siyahıyaalınmasının nəticələrinə görə, son 12 ildə ölkə əhalisinin sayı 800 min nəfər azalmışdır. Ekspertlər bunu bir sıra amillərlə - əsasən, doğumun böhranlı dərəcədə azalması, ölüm hallarının artması və mühacirətlə əlaqədar olduğunu bildirirlər.

Hazırda Gürcüstanda doğulanlarla ölənlərin sayı eynidir. Əgər ötən əsrin 80-ci illərində hər il 94 min uşaq doğulurdusa, son siyahıyaalma keçirilən 2002-ci ildə bu, yarıbayarı azalmış, 47 min təşkil etmişdir. Azyaşlı uşaqların ölüm halı və ölü doğulan uşaqların sayı artmışdır. 2002-ci ildə 1102 uşaq bir yaşına çatmamış ölmüşdür. Boşanma halları da çoxalmışdır. Belə ki, 1960-cı ildə 49 nikaha bir boşanma düşürdüsə, 2002-ci ildə hər yeddi nikahdan biri pozulmuşdur. Ekspertlər hesab edirlər ki, demoqrafik vəziyyət qaydaya salınmazsa, Gürcüstanda 25 ilə əhalinin sayı 40 faiz azalacaqdır.

EKSPERTLƏRİN RƏYİNCƏ 25 İLƏ GÜRCÜSTAN ƏHALİSİNİN SAYI 40 FAİZ AZALACAQDIR

MÜƏLLİFLƏ ƏLAQƏ

Bölmənin digər xəbərləri