Ekvadorda avtobusun qəzaya uğraması nəticəsində 12 nəfər ölüb
Bakı, 17 noyabr, AZƏRTAC
Ekvadorun mərkəzi hissəsində avtobusun qəzaya uğraması nəticəsində azı 12 nəfər həlak olub.
AZƏRTAC xəbər verir ki, bu barədə ölkənin Risklərin İdarə Edilməsi Departamenti məlumat yayıb.
Qurumun X sosial şəbəkəsindəki paylaşımında qeyd olunur ki, Simiatuq dairəsində avtomobilin aşması nəticəsində ilkin məlumata görə 12 nəfər ölüb, 10 nəfər yaralanıb.
“Expreso” qəzetinin məlumatına görə, avtobus yoldan çıxaraq dərin dərəyə yuvarlanıb. Qəzanın səbəbi hələ müəyyən edilməyib. Hadisə zamanı bölgədə yağışlı hava şəraiti hökm sürüb.
Bölmənin digər xəbərləri
