Əlixan Osmanov: O dəhşətli gecədə şəhid olanlar Azərbaycan tarixinin ən parlaq səhifəsini yazdılar
Bakı, 20 yanvar, AZƏRTAC
1990-cı il yanvarın 20-də öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucalıblar.
Bu fikri AZƏRTAC-a “Bakı Metropoliteni” QSC-nin baş mühəndisi Əlixan Osmanov bildirib. O qeyd edib ki, 30 il bundan əvvəl sovet hərbi birləşmələri Bakıya daxil olaraq günahsız insanları qətlə yetiriblər. Baş mühəndis uzun müddət keçməsinə baxmayaraq bu qanlı hadisələri olduğu kimi xatırladığını bildirib. Həmin gecə insanları silahlı birləşmələrin qırğınından qorumaq üçün Metropoliten işçilərinin səhərə kimi işlədiyini deyən Ə.Osmanov deyib ki, bu qanlı hadisənin törədilməsində əsas məqsəd azadlıq və suverenlik uğrunda mübarizə aparan Azərbaycan xalqının iradəsini qırmaq, insanların müstəqillik arzularını əzmək idi. O dəhşətli gecədə şəhid olanlar Azərbaycan tarixinin ən parlaq səhifəsini yazdılar və xalqın milli azadlığı və müstəqilliyi yolunu açdılar.
Bölmənin digər xəbərləri
