Elm və Təhsil Nazirliyi müəllimlərin şəxsi təşəbbüsü olan dərslikdən əlavə test toplularını dəstəkləmir
Bakı, 28 sentyabr, AZƏRTAC
Bəzən şagirdlərin çantalarında dərsliklərdən əlavə test topluları olur və valideynlər ağırlıqdan şikayət edirlər. Bu, müəllimlərin şəxsi təşəbbüsüdür və Elm və Təhsil Nazirliyi bunu dəstəkləmir.
AZƏRTAC xəbər verir ki, bunu Elm və Təhsil Nazirliyinin Ümumi və məktəbəqədər təhsildə məzmun, tədris və qiymətləndirmə şöbəsinin müdiri Vəfa Yaqublu deyib.
Bildirib ki, müəllimlərin bu tələbi valideynlərə əlavə maliyyə yüküdür. Adətən dil üzrə əlavə testlərdən istifadə olunur. Bu addım irəliləməyə kömək etmir. Müəllimlər bu praktikadan çəkinməlidir. Əgər müəllim əlavə testlərin tətbiqini istəyirsə, kitabxanadan əlavə testlər götürə bilər.
Bölmənin digər xəbərləri
