Erməni faşizminin xislətini bütün dünya tanımalıdır
Bakı, 26 fevral (AZƏRTAC). Erməni faşizminin xislətini bütün dünya tanımalıdır.
Bu sözləri AZƏRTAC-a müsahibəsində fevralın 26-da Bakıda Xocalı soyqırımının 20-ci ildönümü ilə əlaqədar keçirilən ümumxalq yürüşündə iştirak edən Türkiyə vətəndaşı Selcuq Kayadelen söyləmişdir.
S.Kayadelen bildirmişdir ki, ermənilər 1915-1918-ci illərdə türklərə və azərbaycanlılara qarşı kütləvi soyqırımı həyata keçirmişlər, eyni zamanda, Xocalıda azərbaycanlılara qarşı amansız qətliam törətmişlər. Dünya türkləri ermənilərin əsrlər boyu türklərə və azərbaycanlılara qarşı törətdikləri soyqırımından ibrət dərsi götürməlidirlər.
O, Xocalı soyqırımının tarixdə ən dəhşətli və qəddar faciələrdən biri olduğunu, Ermənistanın təcavüzkar siyasətinin türk ictimaiyyəti tərəfindən qətiyyətlə pislənildiyini və Türkiyənin həmişə Azərbaycanın yanında olduğunu vurğulamışdır.
Bölmənin digər xəbərləri
