Ermənilər azərbaycanlı qardaşlarımızı, bacılarımızı insanlığa sığmayan vəhşiliklə qətlə yetirmişlər
Bakı, 26 fevral (AZƏRTAC). 1992-ci il fevralın 25-dən 26-na keçən gecə erməni faşistlərinin törətdikləri misli görünməmiş vəhşiliklər hər bir türk vətəndaşının ürəyini ağrıdır. Bu hadisə heç zaman yaddaşlardan silinməyəcəkdir.
Bu sözləri AZƏRTAC-a müsahibəsində fevralın 26-da Bakıda Xocalı soyqırımının 20-ci ildönümü ilə əlaqədar ümumxalq yürüşündə iştirak edən Türkiyə vətəndaşı, Azərbaycan Texniki Universitetinin tələbəsi Mehmet Karagöz demişdir.
Mehmet Karagöz bildirmişdir ki, Xocalı soyqırımı şahidlərin gözü ilə dünya ictimaiyyətinə çatdırılmalı, gələcək nəsillərə ötürülməlidir. Ermənilər azərbaycanlı qardaşlarımızı, bacılarımızı insanlığa sığmayan vəhşiliklə qətlə yetirmişlər. Xocalıda erməni faşistləri dinc sakinləri, qocaları, azyaşlı uşaqları öldürmüş, meyitləri təhqir etmişlər. Bu çox böyük bir faciədir. İnşallah bu soyqırımını bütün dünya tanıyacaqdır və ermənilərin iç üzü üzə çıxacaqdır.
Bölmənin digər xəbərləri
