Ermənistanda koronavirusa yoluxanların sayı 54 minə çatır
Tbilisi, 7 oktyabr, AZƏRTAC
Ermənistanda koronavirusa yoluxma kütləvi hal alıb. Təkcə son sutka ərzində Ermənistanda 672 nəfərdə koronavirus aşkarlanıb. Bununla da ölkədə COVID-19 virusuna yoluxanların sayı 53 min 755 nəfərə çatıb.
AZƏRTAC xəbər verir ki, bu barədə Ermənistan səhiyyə nazirliyinin xəstəliklərə nəzarət və onların profilaktikası milli mərkəzi məlumat yayıb.
Pandemiya qurbanlarının sayı 995-ə çatıb, onların da 5-i son sutka ərzində ölüb.
Mərkəzin məlumatına görə, hazırda ölkədə 7348 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
