ESTONİYA ALİ MƏKTƏB DİPLOMLARININ QARŞILIQLI SURƏTDƏ TANINMASI HAQQINDA RUSİYA İLƏ SAZİŞİ LƏĞV ETMİŞDİR

03.06.2004 [19:49]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Estoniya təhsili və elmi dərəcələri təsdiqləyən sənədlərin tanınması və onların ekvivalentliyi haqqında Rusiya ilə dövlətlərarası sazişi ləğv etmişdir. Müvafiq qərar Estoniya hökumətinin iyunun 3-də keçirilmiş iclasında qəbul olunmuşdur, lakin rəsmi Tallinn müqaviləni pozmaq niyyətini Mosvaya hələ bu ilin martında bildirmişdi.

Bunu Estoniyanın may ayından qəbul edildiyi Avropa Birliyində qüvvədə olan Lissabon konvensiyası ilə əsaslandırırlar. Həmin sənədə görə, diplomların tanınması üçün əsas onun olması deyil, ixtisasın qiymətləndirilməsi və müqayisəsidir.

Rusiyada aldıqları diplomu və alimlik dərəcəsini qanuniləşdirmək üçün onların sahibləri təhsil və elm nazirliyi yanında səlahiyyətli idarəyə müraciət etməlidirlər. Lakin yeni qaydalar SSRİ ali məktəblərinin, habelə Rusiya ali məktəblərinin indi ləğv edilmiş sazişin qüvvədə olduğu dövrdə verdikləri diplomlara aid deyildir.

ESTONİYA ALİ MƏKTƏB DİPLOMLARININ QARŞILIQLI SURƏTDƏ TANINMASI HAQQINDA RUSİYA İLƏ SAZİŞİ LƏĞV ETMİŞDİR

MÜƏLLİFLƏ ƏLAQƏ

Bölmənin digər xəbərləri