Estoniya Prezidentinin İƏİT-in Baş katibi vəzifəsinə namizədliyi irəli sürülüb
Tallinn, 3 oktyabr, AZƏRTAC
Estoniyanın İqtisadi Əməkdaşlıq və İnkişaf Təşkilatı (İƏİT) səfiri Klayd Kull Estoniya Prezidenti Kersti Kalyulaydın İƏTİ-nin Baş katibi vəzifəsinə namizədliyinin irəli sürülməsinə dair sənədləri təqdim edib.
AZƏRTAC ölkə mətbuatına istinadla xəbər verir ki, Estoniya Prezidenti bununla bağlı mövqeyini və düşüncələrini oktyabrın 5-də virtual olaraq təşkil olunacaq tədbirdə bölüşəcək.
Estoniya Prezidenti Kersti Kalyulayd müstəqilliyin bərpa edilməsindən bu yana − 30 il ərzində Estoniyanın bir çox genişmiqyaslı, sürətli və uğurlu islahatlar apardığını, ilk həqiqi rəqəmsal dövlət yaratdığını və İƏİT-nin də təsdiq etdiyi kimi, dünyanın ən yaxşı təhsil sistemlərindən birini təkmilləşdirdiyini söyləyib.
“Yaxın onillikdə qarşılaşacağımız çətinliklərə hazır olmaq məqsədilə bu təcrübəni İƏİT-də tətbiq etmək istəyirəm”, - deyə ölkə başçısı qeyd edib.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
