Estoniyada “AstraZeneca” vaksininin istifadəsi üçün qoyulan yaş məhdudiyyəti ləğv ediləcək
Tallin, 12 mart, AZƏRTAC
Estoniyada Böyük Britaniyanın “AstraZeneca” əczaçılıq şirkətinin istehsal etdiyi vaksinin istifadəsi üçün qoyulan yaş məhdudiyyətləri ləğv ediləcək.
AZƏRTAC xəbər verir ki, bu barədə Estoniyanın immunoprofilaktika üzrə ekspert komissiyası elmi araşdırmalarına əsasən məlumat yayılıb.
Bildirilir ki, ekspertlər tərəfindən “AstraZeneca” və Almaniyanın "BioNTech" və ABŞ-ın "Pfizer" əczaçılıq şirkətlərinə məxsus vaksinlərin birinci və ikinci dozaları arasındakı intervalın uzadılması da təklif edilib.
Qeyd edilib ki, buna qədər Estoniyada “AstraZeneca” şirkətinin istehsalı olan preparatın 70 yaşdan yuxarı olan insanların vaksinasiyası üçün istifadə edilməsi tövsiyə edilmirdi. İndi immunoprofilaktika üzrə komissiya əlavə tədqiqatlarla tanış olub və yaş məhdudiyyətlərinin ləğvi üçün əsasların olması və bu vaksinin gələcəkdə yaşından asılı olmayaraq yetkinlik yaşına çatmış bütün şəxslərin peyvənd edilməsində istifadə edilə biləcəyi qərarına gəlib.
Xatrladaq ki, hazırda Estoniyada əhalinin vaksinasiyasında Almaniyanın “BioNTech”, ABŞ-ın "Pfizer və “Moderna” şirkətlərinin vaksinindən istifadə olunur.
Asiman Əsədov
AZƏRTAC-ın xüsusi müxbiri
Tallin
Bölmənin digər xəbərləri
