“Fars” xəbər agentliyi farsdilli oxuculara 20 Yanvar faciəsi barədə məqalə təqdim etmişdir
Tehran, 23 yanvar (AZƏRTAC). İranın çox oxunaqlı informasiya mənbələrindən sayılan “Fars” xəbər agentliyi farsdilli oxuculara 20 Yanvar faciəsindən bəhs edən məqalə təqdim etmişdir (http://farsnews.com/newstext.php?nn=13911101001071).
Faciənin 23-cü ildönümü ilə əlaqədar Azərbaycan Respublikasının İrandakı səfirliyində keçirilmiş elmi konfransdan hazırlanmış məqalədə 1990-cı il yanvarın 19-dan 20-nə keçən gecə keçmiş Sovet İttifaqının qoşun birləşmələrinin Bakıda və ölkənin digər bölgələrində törətdikləri hərbi cinayətin dəhşətlərindən bəhs olunur.
Müəllif Pərvin İmanlı yazır ki, bu təcavüz sovet hakimiyyətinin Azərbaycan xalqına qarşı törətdiyi ağır cinayətlər siyahısında sıralanır. Lakin Azərbaycan xalqı bu cinayətdən sarsılmamış, əksinə, öz istiqlal mübarizəsindəki qərarlarını qətiləşdirməklə daha da ucalmışdır.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
