Fərhad Cabbarov: Cənubi Azərbaycanda yaşayan soydaşlarımızın ana dilində məktəbləri olmalıdır
Bakı, 16 yanvar, AZƏRTAC
İstər Pəhləvilər dövründə, istərsə də 1979-cu il inqilabından sonra İranda yaşayan Azərbaycan türkləri daim təzyiq altında yaşayıblar, onların hüquqları pozulub. İllərdir ki, ölkənin yerli sakinləri olan soydaşlarımız öz ana dillərində təhsil almaq hüququndan məhrumdurlar. İranda yaşayan və sayca Azərbaycan türklərindən az olan etnik azlıqların bu hüquqlara malik olması haqlı olaraq soydaşlarımızda narazılıq doğurur.
Bu fikirləri AZƏRTAC-a Milli Azərbaycan Tarixi Muzeyinin icraçı direktoru dosent Fərhad Cabbarov bildirib. F.Cabbarov qeyd edib ki, bu gün İranda baş verən etirazlar Cənubi Azərbaycanı da geniş əhatə edib və həmin etirazlar gec-tez soydaşlarımızın haqlı tələblərinin yerinə yetirilməsi ilə nəticələnəcək.
“Cənubi Azərbaycanda yaşayan azərbaycanlıların ana dilində məktəbləri olmalı, digər azadlıqları təmin edilməlidir”, - deyə alim vurğulayıb.
Bölmənin digər xəbərləri
