Filarmoniyada “Vətən çağırır” adlı anım tədbiri
Bakı, 26 fevral, AZƏRTAC
Müslüm Maqomayev adına Azərbaycan Dövlət Filarmoniyasında Xocalı faciəsi qurbanlarına həsr olunmuş “Vətən çağırır” adlı anım tədbiri keçirilib.
AZƏRTAC xəbər verir ki, tədbirdə xalq artisti, professor Ağaverdi Paşayevin bədii rəhbərliyi və baş dirijorluğu ilə Azərbaycan Dövlət Xalq Çalğı Alətləri Orkestri və Azərbaycan Dövlət Mahnı və Rəqs Ansamblının xoru çıxış edib.
Solistlər - əməkdar artistlər Almaz Orucova, Anar Şuşalı, Sahib Paşazadə (tar) və Çinarə Heydərovanın (qanun), beynəlxalq muğam müsabiqəsinin qalibi Ehtiram Hüseynov, Mehman Nuriyev (balaban), Nurlan Əzizbəyli, Aidə Rəfiyeva (kamança) və Kazım-Nicat Fəxrinin ifasında Azərbaycan xalq mahnıları və bəstəkarların əsərləri səsləndirilib.
Bölmənin digər xəbərləri
