Finlandiya 2045-ci il üçün “karbon tarazlığı” yaradan ölkəyə çevrilməyə hazırlaşır
Helsinki, 16 sentyabr, AZƏRTAC
Finlandiya 28 ildən sonra atmosferə atılan karbon qazının miqdarını meşələrin udduğu karbonun həcminə bərabərləşdirməyi planlaşdırır.
AZƏRTAC xəbər verir ki, Finlandiya bu əsrin ortalarına doğru “karbon tarazlığı”na müvəffəq olmaq üçün artıq 2030-cu ilə qədər parnik qazları tullantılarının miqdarını iki dəfə azaltmalıdır. Bu məqsəd hökumətin sentyabrın 14-də qəbul etdiyi “İqlim cəhətdən ağıllı gündəlik həyata doğru yolda” adlı planda nəzərdə tutulub.
Ehtimal ki, qazıntı şəklində yanacaq tullantı səviyyəsi aşağı olan yeni alternativlərlə əvəzlənəcək. Məsələn, nəqliyyatda və yaşayış yerlərinin isidilməsində bioyanacaqdan fəal istifadə etmək planlaşdırılır.
Hazırda Finlandiyada parnik qazları tullantılarının beşdəbir hissəsi nəqliyyat sektorunun payına düşür.
Nigar Cəfərli
AZƏRTAC-ın xüsusi müxbiri
Helsinki
Bölmənin digər xəbərləri
