FİNLANDİYA-AZƏRBAYCAN DOSTLUQ CƏMİYYƏTİ YARADILMIŞDIR
Dövlət Komitəsinin mətbuat xidmətindən AZƏRTAC-ın müxbirinə bildirmişlər ki, bir müddət öncə təsis olunan Azərbaycan-Finlandiya Dostluq Cəmiyyətinin təqdimat mərasimində Təranə Nəzərova sədr, Vaasa və Tampere şəhərlərində yaşayan soydaşlarımız Fəridə Qədirova, Kamran Şahmərdan sədrin müavinləri seçilmişlər.
Tədbirə Finlandiyada yaşayan azərbaycanlılarla yanaşı, yerli əhali, Sankt-Peterburqdakı diasporumuzun nümayəndələri, Vaasa, Lohtaya, Kokkola, Tampere şəhərlərindəki soydaşlarımız da qatılmışdılar. Mərasimin rəsmi hissəsindən sonra tanınmış Azərbaycan bəstəkarı Rauf Hacıyevin nəvəsi, bəstəkar - müğənni Günay Ələkbərova Azərbaycan və fin musiqisindən ibarət CD diskini qonaqlara təqdim etmişdir. Helsinki Konservatoriyasının tələbəsi Leyli Hüseynova qonaqlar üçün Azərbaycan bəstəkarlarının əsərlərini ifa etmişdir.
Dövlət Komitəsinin əməkdaşı Azərbaycanın dövlət atributları və bir sıra əyani təbliğat vasitələrini Azərbaycan-Finlandiya Dostluq Cəmiyyətinə hədiyyə vermişdir.
Bölmənin digər xəbərləri
