Finlandiyada hərbi xidmətə maraq göstərən qadınların sayı durmadan artır
Helsinki, 6 mart, AZƏRTAC
Finlandiyada zərif cinsin nümayəndələri arasında könüllü hərbi xidmət keçmək istəyənlərin sayı 36 faiz artıb.
AZƏRTAC Finlandiya Quru Qoşunlarının mətbuat xidmətinə istinadla xəbər verir ki, bu il yenə də orduda xeyli qadın xidmət etmək istəyib. 2018-ci ildə Müdafiə Qüvvələrinə 1516 müraciət daxil olub və bu da bir il əvvəl ilə müqayisədə 400 müraciət çoxdur. Qadınların çoxu Cənubi və Mərkəzi Finlandiyadakı hərbi bölmələrdə xidmət etmək istəyir.
1995-ci ildən 8100 qadın orduda xidmət edərək ehtiyata buraxılıb. Bu müddət ərzində onların 65-70 faizi rəhbər hərbi vəzifələr tutmağa imkan verən təhsil alıb.
Nigar Cəfərli
AZƏRTAC-ın xüsusi müxbiri
Helsinki
Bölmənin digər xəbərləri
