FRANSA DÜNYA ÇEMPİONATININ KEÇİRİLMƏSİNDƏN İMTİNA ETMİŞDİR
Fransa 2009-cu ildə idmanın su növləri üzrə dünya çempionatına ev sahibliyi etmək barədə ərizəsini geri götürmüşdür. AZƏRTAC xarici KİV-lərə istinadla xəbər verir ki, bu barədə rəsmi bildiriş Beynəlxalq Su İdmanı Növləri Assosiasiyasının rəhbərliyinə göndərilmişdir.
Fransızlar yarışları 2012-ci ilin Olimpiadasına namizəd olan Parisdə tikilən yeni Olimpiya hovuzunda keçirməyi nəzərdə tuturdular.
Lakin milli üzgüçülük federasiyasının rəsmi məlumatında bildirilir ki, araşdırma hovuzun tikintisini 2009-cu ilədək başa çatdırmağın mümkünsüzlüyünü göstərmişdir. Layihəyə görə, Parisdə yeni üzgüçülük hovuzu 2011-ci ilin ortalarında açılacaqdır.
Bölmənin digər xəbərləri
