Fransa millisinin futbolçusu “Çelsi”yə keçib
Bakı, 30 iyul, AZƏRTAC
İngiltərənin "Çelsi" klubu Fransa millisinin və "Kristal Pelas"ın futbolçusu Maksans Lakruanın transferini açıqlayıb.
AZƏRTAC xəbər verir ki, 26 yaşlı mərkəz müdafiəçisi London təmsilçisi ilə 2032-ci ilin iyun ayınadək nəzərdə tutulan müqavilə imzalayıb.
İddiaya görə, transferin dəyəri 60,7 milyon avro təşkil edib.
Qeyd edək ki, Maksans Lakrua ötən mövsüm "Kristal Pelas"ın heyətində bütün turnirlərdə 55 oyunda meydana çıxıb, 3 qol vurub və 3 məhsuldar ötürmə ilə yadda qalıb. Müdafiəçi son dünya çempionatında Fransa yığmasının heyətində 3 qarşılaşmada forma geyinib.
Bölmənin digər xəbərləri
