FRANSA PREZİDENTİ JAK ŞİRAKIN 73 YAŞI TAMAM OLUR

29.11.2005 [16:30]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, noyabrın 29-da Fransa Prezidenti Jak Şirakın 73 yaşı tamam olur. Ancaq yubilyarın arzusuna uyğun olaraq, bu münasibətlə təntənəli tədbirlər keçirilməyəcəkdir. Jak Şirakın doğum gününü Paris restoranlarından birində ailəsi ilə birlikdə qeyd edəcəyi gözlənilir.

Yaxın silahdaşları və Yelisey sarayının əsas xidmətlərinin rəhbərləri Prezidenti iş kabinetində təbrik etmişlər.

Bu il J.Şirak üçün ikiqat yubileydir. O, siyasi karyerasının 40 illiyini və Fransa Prezidenti vəzifəsinə seçilməsinin 10 illiyini qeyd etmişdir.

Yerli KİV-lərin yazdığına görə, J.Şirakın qarşısında Fransa cəmiyyətinin inkişaf yollarını axtarmaq, habelə ölkənin beynəlxalq nüfuzunu möhkəmləndirmək kimi vəzifələr durur. Bu istiqamətdə Prezident yeni Baş nazir Dominik de Vilpen ilə sıx əlaqədə işləyir.

Hazırda Jak Şirak və Dominik de Vilpen cütlüyü dünyada gedən qloballaşma prosesinin Fransa cəmiyyətində yaratdığı böhranlı vəziyyətlərin aradan qaldırılması üçün yeni ideyalar və konkret fəaliyyət generatorudur.

FRANSA PREZİDENTİ JAK ŞİRAKIN 73 YAŞI TAMAM OLUR

MÜƏLLİFLƏ ƏLAQƏ

Bölmənin digər xəbərləri