Fransada daha 499 nəfər koronavirusun qurbanı olub
Paris, 1 aprel, AZƏRTAC
Fransada son sutka ərzində 499 nəfər COVID-19 virusundan dünyasını dəyişib və beləliklə, bu xəstəlikdən ölənlərin sayı 3523-ə çatıb.
AZƏRTAC xəbər verir ki, ölkədə 52 min 128 nəfərin koronavirusa yoluxduğu təsdiqlənib.
COVID-19 pandemiyası ilə əlaqədar mətbuata açıqlama verən Səhiyyə üzrə baş direktor Jerom Salomon bildirib ki, 22 min 757 nəfər xəstəxanalara yerləşdirilib. Onlardan 5565-i reanimasiyadadır. Ölkədə indiyədək 9444 nəfər sağalaraq xəstəxananı tərk edib.
J.Salomon tibb sahəsində təcrübəsi olan könüllülərə üz tutaraq, onları COVID-19 pandemiyasına qarşı mübarizəyə qoşulmağa səsləyib.
Qeyd edək ki, Fransanın şimal-şərq bölgəsi və İl-dö-Frans (İle-de-France) regionu pandemiyaya daha çox məruz qalan ərazilərdir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
