Fransada hər iki sakindən biri gigiyena və ya təmizlik məhsulları almaqdan imtina edir
Paris, 9 aprel, AZƏRTAC
Fransada İctimai rəy və marketinq tədqiqatlar İnstitutunun (Ifop) araşdırmasına görə, təxminən hər iki fransızdan biri ölkədəki inflyasiya səbəbilə diş pastası, gigiyena dəsmalları və ya kosmetika məhsulları almaqdan imtina edir.
AZƏRTAC xəbər verir ki, araşdırmaların nəticəsinə görə alıcılıq qabiliyyəti aşağı düşdüyündən fransızların əksəriyyəti makiyaj, saç boyası, yuyucu toz, dezodorant, sabun və diş pastası kimi gigiyena məhsullarını almamağa qərar verirlər. İnflyasiya nəticəsində bu məhsullar bəzən ev təsərrüfatları üçün əhəmiyyətli bir xərc təşkil edir.
“Ifop” araşdırmasına görə, 2024-cü ilə qədər fransızların 47 faizi gigiyena və ya kosmetik məhsullar almaqdan imtina ediblər. 2019-cu ildən bəri “Fransada Gigiyena və Təhlükəsizlik” barometri hər il təhlükə ilə mübarizə aparan “Dons Solidaires” assosiasiyası üçün öz nəticələrini təqdim edib. 2023-cü ilə qədər fransızların üçdə biri artıq gigiyena məhsulları istehlakını azaltdıqlarını bəyan edib, altı milyonu dezodorant almaqdan, dörd milyonu isə şampundan imtina etdiyini bildirib.
Son hesablamalar göstərir ki, respondentlərin 9 faizi diş pastası olmadan dişlərini fırçalayır, 15 faizi isə təmizləyici vasitələr olmadan evlərini təmizləyir. Respondentlərin 17 faizi artıq gigiyena məhsulları ilə qida arasında seçim etməli olduqlarını deyib. Təkvalideynli ailələrdə bu nisbət 35 faizə yüksəlir. Ən çox itirilən məhsullar arasında makiyaj, saç boyası məhsulları, yuyucu toz, dezodorant, sabun və diş pastası yer alır.
Bu məhsulları əvəz etmək üçün ev təsərrüfatlarının xərcləri ikiqat azaldılır. Belə ki, daha az duş qəbul etmək, daha az tualet kağızı ehtiyatı yığmaq, diş pastası olmadan dişləri fırçalamaq və sanitar dəsmalların sayını azaltmaq fransızlar arasında yayılmaqdadır.
Bölmənin digər xəbərləri
