GDU ilə Atatürk Universiteti arasında əməkdaşlıq memorandumu imzalanıb
Gəncə, 13 yanvar, Elcan Məmmədov, AZƏRTAC
Gəncə Dövlət Universiteti ilə Türkiyənin Atatürk Universiteti arasında əməkdaşlıq haqqında memorandum imzalanıb.
AZƏRTAC-ın bölgə müxbiri xəbər verir ki, memoranduma əsasən, hər iki universitet arasında təhsil, mədəni və elmi tədqiqatlar sahəsində əməkdaşlığın qurulması, tələbə və müəllim mübadiləsi, eləcə də birgə elmi tədqiqatlar və konfransların təşkil olunması nəzərdə tutulur. Bütün bunlar isə hər iki universitetin müəllim və tələbələri üçün təhsil və elm sahəsində yeni imkanlar yaradacaq.
Qeyd edək ki, Türkiyənin Ərzurum şəhərində yerləşən Atatürk Universiteti qardaş ölkə üzrə 2-ci ən böyük kampusa sahib ali təhsil ocağıdır. Hazırda Atatürk Universitetində 17 fakültə, 5 məktəb, 15 peşə məktəbi, 6 institut, 16 araşdırma mərkəzi fəaliyyət göstərir. Ali təhsil ocağının öz xəstəxanası da var.
Bölmənin digər xəbərləri
