Gədəbəydə avtomobilin dərəyə aşması nəticəsində 2 nəfər ölüb, 4-ü xəsarət alıb YENİLƏNİB
Gədəbəy, 3 avqust, Vüsalə Cənnətova, AZƏRTAC
Gədəbəy rayonunun Şahdağ kəndi ərazisində avtomobil qəzası baş verib.
AZƏRTAC-ın bölgə müxbiri xəbər verir ki, Şəmkir rayon sakini, 1990-cı il təvəllüdlü Vüsal Məmmədov idarə etdiyi “Kia” markalı avtomobillə hərəkətdə olarkən idarəetməni itirib və nəqliyyat vasitəsi dərəyə aşıb. Nəticədə sürücünün həyat yoldaşı 1991-ci il təvəllüdlü Azadə Məmmədova və 1973-cü il təvəllüdlü Asəf Tapdıqov hadisə yerində ölüblər. Sürücü V. Məmmədov, sərnişinləri - 2020-ci il təvəllüdlü Amil Məmmədov, 2021-ci il təvəllüdlü Renat Məmmədov və 1995-ci il təvəllüdlü Aytən Məmmədova müxtəlif dərəcəli bədən xəsarətləri alıblar. Onlar Gədəbəy rayonunda göstərilən tibbi yardımdan sonra Gəncədəki xəstəxanalardan birinə göndəriliblər. Yaralıların vəziyyəti orta-ağır qiymətləndirilir.
Faktla bağlı araşdırma aparılır.
Bölmənin digər xəbərləri
