Girdiman çayinda sahilbərkitmə işləri aparılır
Kürdəmir, 23 iyul (AZƏRTAC). Girdiman çayının Kürdəmir rayonu ərazisindən keçən 50 kilometrlik hissəsində sahilbərkitmə işləri aparılır. Belə ki, çay lildən təmizlənir, sahilinə torpaq bənd çəkilir. İşlər Sabirabad Kür-Araz Bəndatma İdarəsi, Kürdəmir Suvarma Sistemləri İdarəsi, Mil-Qarabağ və Aşağı Şirvan kollektorların İstismarı İdarəsi və Mollakənd Mexaniki Suvarma İdarəsi tərəfindən görülür.
Çayın rayon ərazisindəki hissəsinin 25 kilometrində artıq nəzərdə tutulan işlər başa çatdırılmışdır.
Sahilbərkitmə və lildən təmizləmə işləri başa catdırıldıqdan sonra rayonun 14 kəndinin və 10 min hektardan cox əkin sahəsinin sel-sularından mühafizəsi təmin olunacaqdır.
Bölmənin digər xəbərləri
