GÜRCÜSTANDAN KƏNARDA YAŞAYAN İSTEDADLI GÜRCÜLƏRİ AŞKAR ETMƏK ÜÇÜN
AZƏRTAC-ın xüsusi müxbiri xəbər verir ki, Gürcüstan Patriarxlığının və Gürcüstan Prezidentinin anası professor Giuli Alasaniyanın rəhbərlik etdiyi “Gürcü mədəniyyəti Gürcüstanda və onun hüdudlarından kənarda” Assosiasiyanın təşəbbüsü ilə yeni “Çveneburi” (Bizimkilər) adlı beynəlxalq festival təsis olunmuşdur. Festival noyabrın 22-dən 28-dək Tbilisidə keçiriləcəkdir.
Giuli Alasaniya demişdir ki, festivalın keçirilməsindən məqsəd ölkənin hüdudlarından kənarda yaşayan istedadlı gürcüləri aşkara çıxarmaq, gürcü incəsənət xadimlərini birləşdirməkdir.
Festivalda İranda, Türkiyədə və Azərbaycanda yaşayan gürcü rəssamları, xalq sənəti ustaları, musiqişunaslar iştirak edəcək, konsertlər, sərgilər, xatirə gecələri keçiriləcəkdir.
Bölmənin digər xəbərləri
