Gürcüstanın Baş naziri və Türkiyənin bu ölkədəki səfiri regiondakı prosesləri müzakirə ediblər
Tbilisi, 12 mart, AZƏRTAC
Gürcüstan ilə Türkiyənin regional enerji və nəqliyyat layihələrində iştirakı iki ölkə arasında strateji tərəfdaşlığın, davamlı və etibarlı əməkdaşlığın bariz nümunəsidir.
AZƏRTAC xəbər verir ki, bu fikirlər Gürcüstanın baş naziri İrakli Qaribaşvili ilə Türkiyənin bu ölkədəki səfiri Fatma Ceren Yazganın görüşündə səslənib.
Hökumət administrasiyasından bildirilib ki, görüşdə iki ölkə arasında strateji tərəfdaşlığın və ikitərəfli əməkdaşlığın daha da möhkəmləndirilməsi məsələləri əsas müzakirə mövzusu olub.
Tərəflər regional layihələr və regionda gedən siyasi prosesləri də müzakirə ediblər.
Baş nazir regional layihələrdə iştirakını, Gürcüstanın ərazi bütövlüyünü və Avroatlantik strukturlara inteqrasiyasını dəstəklədiyinə görə Türkiyəyə minnətdarlıq edib.
Görüşdə COVID-19 pandemiyasının yaratdığı problemlər ətrafında fikir mübadiləsi aparılıb, koronavirusa qarşı birgə mübarizənin daha effektli və məhsuldar olduğu vurğulanıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
