Gürcüstanın Kaxeti bölgəsinə 20 santimetr hündürlüyündə dolu düşmüşdür

19.07.2012 [12:40]
Çap et
A⁺ A^-

Tbilisi, 19 iyul (AZƏRTAC). Gürcüstanın Azərbaycan ilə həmsərhəd olan Kaxeti bölgəsində güclü küləklə müşayiət olunmuş dolu və yağış yağmışdır.

Burada 20 santimetr hündürlüyündə dolu düşdüyü bildirilir. Güclü külək, dolu və yağış nəticəsində bölgənin elektrik enerjisi ilə təminatında problem yaranmış, ev quşları və heyvanlar məhv olmuşdur. Dolu üzümlüklərə, meyvə bağlarına, əkin sahələrinə ciddi ziyan vurmuşdur.

Külək xeyli evin dam örtüyünü atmış, çoxillik ağacları yıxmışdır.

Gürcüstanın Msxeta-Mtianeti və Samtsxe-Cavaxeti bölgələrinə də ciddi ziyan dəymişdir.

İslam Əliyev

AZƏRTAC-ın xüsusi müxbiri

Tbilisi